რესტორან “ქვევრის“ მეპატრონე და მუსიკალური პროდიუსერი, ლაშა ბასლანძე გარდაცვალა. ტრაგედიის ფონზე, გარდაცვლილის პოლიტიკური შეხედულებების გამო სოციალურ ქსელში გაჩენილმა არაერთმა უარყოფითმა და შეურაცხმყოფელმა კომენტარმა ლაშა ბასლანძის მეგობრებისა და კოლეგების მძაფრი რეაქცია გამოიწვია.
აღნიშნულ საკითხს მომღერალი ნინი შერმადინიც გამოეხმაურა.
“სულ უცხო ადამიანებზე ვთხოვე დახმარება და ეგრევე მიხედა, რამდენი სქრინი შემიძლია დავდო, რამდენი დაასაქმა, რამდენს უპატრონა, სულ ხაზზე იყო, სულ მზადყოფნაში ადამიანების დასახმარებლად, სულ მზად იყო ჩაგხუტებოდა და გულში ჩაეძვრინე… სალომეს მეგობრები საკუთარი დებივით ვყავდით… თუ რამე პრობლემა მქონდა და შევჩივლებდი პასუხი იყო, შენ არ ინერვიულო ჩემო გოგო, მე მივხედავ, მოვაგვარებ ყველაფერს, სულ შენს გვერდით მიგულე ნინ. ორივე ცოლ-ქმარი სულ მზად ყოფნაში იყვნენ დასახმარებლად, უანგაროდ, უთხოვნელად.
სალომე ბაკურაძე სიცოცხლეც არ მენანება შენთვის, ნეტავ, რამე შემეძლოს, მაპატიე რომ მე ვერ გეხმარები. ძალიან დაგვაკლდები, ყველამ ჩვენი წილი ლაშიკო დავკარგეთ, ფისო კი ჩაგეხუტება დედასავით ჩემო ბიჭო! ჯერ ძალიან ადრე იყო, ძალიან ადრე…
ლაშას უფალმა შეუნდოს ყველა ცოდვა და შეუნდობს აუცილებლად, ბევრი მადლიერი ადამიანი დაგვტოვა, ვინც ვილოცებთ მისი სულის ცხონებისთვის, მაგრამ თქვენ რა გეშველებათ თქვე სულით მახინჯებო! თქვენთვის ვინ ილოცებს? ვის რაში აინტერესებს თქვენი დიპლომი და განათლება, ადამიანები არ ხართ!
ვის უკითხავთ მორალს, პატარა ბავშვს მამა უკვდება და ამ ვიდეოს აჰაჰავებთ! გოგო ქვრივდება და პირადში წერთ, აქ აღარ დავწერ რასაც! თქვე მართლა ღვთის პირიდან გადავარდნილებო! ვინ გაგზარდათ, საიდან მოხვედით? როდიდან გახდა სხვისი ტრაგედია საღლიცინო თქვე უბედურ დღეზე გაჩენილებო! დღეს ვართ-ხვალ აღარ ვიქნებით, რა მიგაქვთ ამ ქვეყნიდან კეთილი საქმეების მეტი? ვის რაში ჭირდება თქვენი ემპათია! ამაზე მეტი პათოლოგია აღარ არსებობს! იქნებ მოწყალე ღმერთმა თქვენც გიშველოთ…” – წერს ნინი შერმადინი.
